SA DI' DE IS MORTUS
Custu di est tristu tristu e scuriosu:
su soli de mannas nuis est velau
cumenti che si fessit preparau
assìstiri a unu ritu dolorosu.Unu lentu rintoccu lamentosu
su bentu de lontanu m' at portau
chi talmenti su coru m' at turbau
lassendimì cunfundiu e dubbiosu;e unu sensu de angoscia aicci forti
chi m'est partu de intendi in cussu istanti
s'amplessu dolorosu de sa morti
chi mi stringessit e naressit: «Tanti
t'illudis de sa vida e de sa sorti,
mortali misereddu, ses erranti!».Raimondo Piras
3° premio ex aequo 1959 (Campidanese)