OTZIERIDe Torres, cudd 'antigu Giudicau,
ses una de sas villas pius potentes:
Bisarcio est morta; Ardara at lassaucun Adelasia s’iscettru lughente.
de Monte Acutu, sa Curatoria,
t'an fattu capitale risplendentepustis chi Castra distrutta che fiat.
E in su Feudale tempus tristu
tue ses in contina mezoriafinas a cando as fattu s'acuistu
de su titolu nou 'e “tzittadina”.
Si su populu Tou est bene istudae s' Onnipotente; si ladina
e connóschida est sa Tua fama;
si sa potente Sarda Raighinafaghet semper in Te onore e brama,
so seguru chi tenes in d'ogn'ora
s'azudu e su cunfortu de Sa Mamade Su Remediu, potente Signora.
Sos tribaglios, sos campos, sos masones,
ch' ischidant d'ogni die a s'aurora,cantend' impari a tottu sos puzones,
oe sun(u) s'orgogliu e-i su vantu
tou e de tottu sas pupulatzioneschi faghent sa fortuna a cantu cantu
cun impignu continu e cun suore.
A lu contare paret un'ispantu!Trattas cun gentilesa e cun amore
s' istranzu e s'amigu. In d'ogn'arte
sos fizos Tuos Ti faghent onore.In Logudoro tenes grande parte,
ti usant rispettu e cunsideru
ca non ti podent lassare in disparte.Un'auguriu Ti fatto sintzeru
e Ti prego a lu cherrer atzettare
ca ‘enit de su coro tottu interu:
sigan(a) tottu a s'adoperare
coment’ an fattu sempre fin'a como
pro poder sa fortuna aumentarede sa Tzittade e de dogna domo
sos fizos Tuos mannos e minores.
Nostra Signora dae su Duomocun sos presentes e cun sos benidores
si mustret d'ogni die pius benigna;
cunservet de Otzieri sos Valores
e beneigat tottu sa Sardigna.
Antioco Atzori- Norbello
(Premio Ozieri 1957)