Passazu in ierruSemus in ierru coro meu.
Sa iddia si est pasada
in su tallaranu antigu
e frittu si allumat
s'arghentu 'e sos isteddosMa cantas lunas
ghiradittas sunt faladas
in su pendinu meu
cun imboligos de ammentos
e de tempus ottora frimmu
in sas anderas 'e su coroEi como? Ite poto contare como
in su pasu a custu iscampiu 'e vida
chi ancora mi cantat
imbraconada a sero.A custos versos penados
chi chena rejones
m'iscussertant sa conca.Cale su sensu
de dare a sos meledos
allorigados in su silentu
de custas inutiles torradas
chi si perdene
comente attumbos lebios
intro su turmentu 'e sos passos.Stefano Flore (Anela)
3° premio 2003 (Sezione poesia sarda inedita «Antonio Sanna»)